Fimmtudaginn 4. maí mun Trillutríóið flytja tónlist með vorlegum blæ úr ólíkum áttum.
Hið ómfagra verk Der Hirt auf dem Felsen eftir Schubert verður flutt ásamt Eyjalögum þeirra Ása í Bæ og Oddgeirs Kristjánssonar í sjaldheyrðum útsetningum Atla Heimis Sveinssonar. Útsetningarnar sýna fram á enn nýja hlið sönglaganna sem fyrir löngu hafa skipað sér sess í þjóðarsálinni en voru þau upphaflega samin til að létta lund alþýðunnar.
Flytjendur eru Vera Hjördís Matsdóttir, sópransöngkona, Símon Karl Sigurðarson Melsteð, klarínettuleikari og Guðný Charlotta Harðardóttir, píanóleikari

Tónleikarnir fara fram í Fríkirkjunni við Tjörnina og eru hluti af tónleikaröðinni Á ljúfum nótum í Fríkirkjunni.
Þeir hefjast kl. 12 og taka um hálfa klukkustund.
Aðgangseyrir 2.000 kr.
Ath. ekki er tekið við greiðslukortum.