Minningar- og þakkarstund í Fríkirkjunni sunnudaginn 28. maí kl. 14

Árleg minningarguðsþjónusta vegna þeirra sem látist hafa úr alnæmi hér á landi verður haldin, sunnudaginn 28. maí næstkomandi. Kveikt verður á kertum til að minnast þeirra er látist hafa, einu kerti fyrir hvern einstakling sem við minnumst.
Minningarstund þessi er alþjóðleg og heitir á ensku Candlelight Memorial Day.

Séra Hjörtur Magni Jóhannsson leiðir stundina.
Hugleiðingu: Matthías Matthíasson, sálfræðingur flytur hugleiðingu..
Formaður: Hiv-Ísland, Sigrún Grendal, flytur ávarp.
Ritningarlestur: verður í höndum félagsmanna.
Tónlist: Baba og félagar flytja magnaða trommutónlist Afrískan trommuslátt, Margrét J Pálmadóttir mætir með sína fögru söngfugla.
Söngkonan: Berglind Björk Jónasdóttir flytur nokkur lög.
Organisti: í athöfninni er Gunnar Gunnarsson.

Boðið verður upp á veitingar í Safnaðarheimili Fríkirkjunnar að athöfn lokinni.

Minningarstundin okkar hefur þróast í að verða notaleg samverustund fyrir alla fjölskylduna þar sem ungir og gamlir geta notið hlýlegs andrúmslofts og frábærrar tónlistar. Auk þess að minnast þeirra sem látnir eru fögnum við lífinu og þeim tækifærum sem HIV jákvæðir hafa til eðlilegs lífs í dag.
Vill stjórn HIV Ísland hvetja sem flesta til að koma og njóta þessarar stundar með okkur. Takið endilega með ykkur gesti.

Verið öll hjartanlega velkomin.